Біз музыкалық бөліміміздің түлегі Жолдасбек Нұрсезім туралы қуанышты жаңалықпен ерекше мақтанышпен бөлісеміз. Ол Күләш Байсейітова атындағы Қазақ ұлттық өнер университетінде «Академиялық вокал» мамандығы бойынша кәсіби білімін жалғастыруда. Қазіргі уақытта Нұрсезім — 2-курс студенті. Оның бұл жолы — үлкен еңбекқорлықтың, табандылықтың, музыкаға деген сүйіспеншіліктің және таңдаған ісіне жауапкершілікпен қараудың нәтижесі. Музыкалық мектепте алған білімі оның әрі қарай кәсіби дамуына берік негіз болғанына қуаныштымыз. Біз, ұстаздар үшін, шәкірттеріміздің музыканы өз мамандығы ретінде таңдап, армандарына нық қадаммен ұмтылғанын көру — үлкен мақтаныш. Нұрсезімге шабыт, шығармашылық табыс және таңдаған жолында биік жетістіктер тілейміз!